أنا نورهان صفي واتخرجت من كلية فنون جميلة قسم ديكور ، بدأت الهاند ميد من وأنا صغيرة كنت بجمع قطع القماش وأخرج منها منتجات جميلة ، كانت بداية تحويل الموهبة لمشروع في الكلية ، كنت بنزل الكلية وأهم حاجة بالنسبة ليا شنطتي وكنت دايماً بحس الشنط كلها شبه بعض ومش بتعجبني ، قررت أعمل أنا شنط لنفسي ، بدأ زمايلي وقرايبي يعجبوا بيها ويشجعوني اني احوله مشروع وبعضهم طلب مني منتجات لنفسه ، بحب اعلم الناس الموهبة اللي عندي ، وبحلم اني اترك في المجال بصمة ، ومن أكتر الحاجات اللي شجعتني أكمل إني كل لما كنت بعمل منتج لإنسان أنا أعرفه بشكل مباشر كان يقولي المنتج ده شبهي حسه مني ، فالهاند ميد قطعة فنية بجانب انه جزء منك ومن الشخص اللي بتصنعهوله .